Inti student(a) tal-Edukazzjoni u t-Taħriġ Vokazzjonali (VET)? Taf li l-Erasmus+ jista’ jgħinek timmassimizza l-possibiltajiet tiegħek li ssib impjieg, kemm jekk qed issegwi kurrikulu inizjali jew kontinwu tal-edukazzjoni u t-taħriġ vokazzjonali, kif ukoll jekk għadek kif iggradwajt?

Li tidħol għal vjaġġ tal-Erasmus+ huwa opportunità biex ittejjeb il-ħiliet tiegħek, tagħti spinta lill-possibbiltajiet ta’ impjieg u tgħammar lilek innifsek b’mentalità internazzjonali!

Ara l-vidjo

Għal kemm żmien nista’ mmur?

Tista’ tipparteċipa fi traineeship tal-Edukazzjoni u t-Taħriġ Vokazzjonali barra mill-pajjiż għal perjodu ta’ bejn ġimagħtejn (jiġifieri għaxart ijiem tax-xogħol) u 12-il xahar.

Hemm xi termini u kundizzjonijiet?

Trid tkun apprendist(a), student(a) tal-Edukazzjoni u t-Taħriġ Vokazzjonali, jew gradwat(a) reċenti (inqas minn sena) ta’ skola jew kumpanija tal-VET. 

Xi ngħidu dwar l-appoġġ finanzjarju?

L-Erasmus+ jipprovdi għotja tal-UE biex jappoġġa l-ispejjeż tal-ivvjaġġar, kif ukoll l-ispejjeż prattiċi u relatati mal-attività meħtieġa għall-iskambju.

Kif napplika?

Ikkuntattja lill-iskola, lill-kumpanija jew lil organizzazzjonijiet eliġibbli oħrajn tiegħek (ara hawn taħt), billi teħtieġ l-appoġġ tagħhom. Individwi ma jistgħux japplikaw direttament għal għotja. L-organizzazzjonijiet eliġibbli huma kwalunkwe organizzazzjoni pubblika jew privata attiva fil-qasam tal-Edukazzjoni u t-Taħriġ Vokazzjonali.  

Aħna qegħdin hawn għalik!

Jekk ikollok bżonn għajnuna biex issib organizzazzjoni parteċipanti xierqa jew ikollok xi mistoqsijiet, l-Aġenzija Nazzjonali tal-Erasmus+ f’pajjiżek qiegħda hemm biex tgħinek.